千亿体育app

手机导航

最新报道

收音机电视机个追想(中)

发布者:admin    发布时间:发布时间:2021-09-21    浏览次数:163    栏目:千亿体育app

  两年之后,乡下头稀稀拉拉个简易电线杆竖起来了,拉了“有线广播”,家家户户个客堂间墙浪向,侪装了只碗口粗个纸盆喇叭。“有线广播”每日天三趟,早中夜,内容有得新闻转播,有当地情况,还有天气预报,迭个对种田老重要个。勒七年多个知青岁月里,只有过年再好回转去。每趟回上海,总归觉着有眼变化。“半导体”收音机个逐渐流行,就是其中之一。伊小巧玲珑,携带方便,比以前个台式要先进。

  后首来,又看到手巧个邻居勒做小型木箱,一打听,再晓得是勒“敲喇叭箱”,乒乒乓乓,邪气开心。噢,“音响”已经勒上海勿声勿响崛起,迅速走进了弄堂人家。木制个“喇叭箱”可以自家做,但喇叭迭个物事却是真家伙,只有专门工厂再好生产个,所以一直是供不应求。勿管尺寸大小,侪是老吃香个,甚至成为了当时上海上档次个礼品。托人办事体,送上去一对,是真正个乓乓响。当时,上海电视有“第五”、“第八”两只频道,后来又增加了廿频道,专门用看来教学上课,其中有得“电工”、“机械原理”、“机械制图”等课程。

  当时我刚好负责整个街道里弄生产组个技术人员培训,上级帮我配了只电视机,摆勒所谓个“教室”里。讲是“教室”,其实是个防空洞,勒南丹路“国老坟山”(徐光啟墓地)个西面。因为电视机勒地下头,所以特地勒地面树起老老长个天线竿,但信号仍旧勿灵。

  搭上海成千上万个家庭一样,爷娘省吃俭用,买了只电视机,尽管只有九吋,老老小个,但总算是撑了份家当。更加重要个是,伊拨全家带来了无穷个欢快,为此,还特地订了份《每周广播》。但爸爸还是抱勒伊只小小个“半导体”,空个辰光,总归是似懂非懂个闭好仔眼睛,听伊欢喜个京剧。

  当时辰光,广州、深圳一带已经有“走私”录音机进入上海,搭传统个台式相比小了交关,只有几寸见方,上海人叫伊饭匣子。为了学英文,我托人从南昌路一个“黃牛”手里买了一只。搭当时工资收入相比蛮贵个。拿到之后马上叫了几个好朋友,一道试验、把玩。嗳,迭物事还真灵,无论侬讲啥,侪好一字勿漏个录下来,又好重复放出来,一时头里,新奇、欣喜侪表现勒阿拉个面孔浪。

  当时辰光,我已经勒读大学,听前桌个徐甡民讲,伊个屋里向有只彩色电视机,是伊香港个阿姐带来个。伊讲,电视剧《从大西洋底来个人》里个海水是蓝颜色个,忒漂亮了。迭对我来讲震动老大。当年自家屋里有得彩电,勒阿拉迭眼只看黑白电视个人个眼睛里,多少神气、多少“扎台型”啊。1982年年底,我勒结婚之前,托人搞了张票子,买了“金星”十四吋彩电,常怕灰进去,还特地做只絨布套,五斗橱浪上一摆,立时三刻蓬荜生辉。边浪向再配了只“四喇叭”,迭勒当时老流行个,至于先起头花重金买来个伊只“饭匣子”,老早旧得已经勿晓得弄到啥地方去了。诵读者:高 仁

  迪蒙,启迪蒙昧者也。上海市人。原上海大学中文系教师,多年来一直致力于沪语和海派文化的传承。

  沪语是吴方言的代表方言,是吴侬软语的典范。她既可以用来拉家常,也同样可以用来朗读各类诗歌散文。

  沪语完全可以书写,同粤语可以写作是一样的。本平台所有文章都是经过改写后,用沪语来演绎的,汉字书写也是正确的。

友情链接

TAG标签 网站地图 XML地图 txt地图

smallcctv.com 千亿体育app